Enriko Aliaj u vra me plumb në kokë në Itali nga vëllai i tij, dhe babi i tyre ka folur për herë të parë pas ngjarjes tragjike për mediat italiane. Shpend Aliaj, babai i Enrikos thotë se në momentin kur ndodhi ngjarja e rëndë, Enriko ishte në banesë me vëllanë e tij dhe një mikun e tyre.
Shpendi tregon se nata e zezë e 3 qershorit ku 20-vjeçaru humbi jetën ishte tërësisht aksidentale. Ai thotë se djali i tij i dytë ishte duke luajtur me armë dhe e qëlloi Enrikon gabimisht. “Nuk e di saktësisht se çfarë ka ndodhur me djalin tim, mund të them vetëm se djali tjetër po luante me atë armë dhe u qëllua aksidentalisht”,- tregon Shpend Aliaj , babai i Enrikos.
Enrico jetonte me prindërit e tij, vëllain e tij 18-vjeçar Elham dhe motrën e tij më të vogël. Në atë moment tragjik, përveç Enrikos, ka qenë i vëllai dhe një shok i tij. Ditët e ardhshme pritet të kryhet autopsia në trupin e 20-vjeçarit, për të zbardhur më shumë elementë në lidhje me trajektoren e plumbit.