Cristiano Ronaldo feston këtë të mërkurë ditëlindjen e djalit të tij Cristiano Jr, i cili mbush plot 10 vjeç.
“Nuk mund ta besoj se djali im është 10 vjeç! Ndërsa koha kalon, ti ke qenë gjithmonë burim krenarie për babin që të do kaq shumë. Gëzuar qenush! Kalofsh një ditë të gëzuar, të dua shumë!”.
Cristiano së fundmi nxori një version të ri të takave sportive të futbollit Mercurial Safari që dolën fillimisht kur lindi djali i tij.
Ai i dhuroi të birit një palë për ditëlindje dhe vetes sigurisht, duke u kombinuar me njëri-tjetrin.
Më pas atë e bir shijuan ditën jashtë duke luajtur futboll me takat që kushtonin 278 euro pala.
Cristiano është gjithashtu baba i binjakëve, Eva dhe Mateo, tre vjeç, të lindur përmes një nëne bartëse.
Ai është gjithashtu baba i vajzës Alana, nga lidhja e tij me të dashurën modele, Georgina Rodriguez, 26 vjeç.
Familja e ka kaluar këtë periudhë karantine në shtëpinë e saj në Portugali. Kufizimet në vend janë lehtësuar gjatë javëve të fundit me rihapjen e shkollave, restoranteve, kinemave dhe kafeneve.