Një makinë e Prefekturës së Korçës është aksidentuar këtë të martë. Sipas informacioneve, bëhet me dije se në unazën e qytetit, një shtetas ka përplasur mjetin e Prefekturës duke shkaktuar dëme materiale.
Drejtuesi me iniciale D.Xh. është larguar nga vendngjarja duke u fshehur në një lagje të qytetit, ku u gjet nga policia e qarkullimit rrugor, ndërsa në testin e alkoolit rezultoi nën ndikimin e alkoolit. Pas kësaj u bë menjëherë shoqërimi i tij.
Ngjarja u regjistrua mbrëmjen e sotme në qytetin e Korçës, ndërsa çështja do ti kalojë prokurorisë për veprime të mëtejshme.