Interpol Tiran ka ekstraduar nga Gjermania 36-vjeçarin Andi Janko. Ai është dënuar me 12 vite burg në akuzën e mashtrimit me pasoja të rënda të kryer më shumë se një herë.
“Si rezultat i bashkëpunimit të Interpol Tirana me Interpol ëiesbaden Gjermani, falë shkëmbimit të vazhdueshëm të informacionit, u bë i mundur arrestimi në Gjermani i shtetasit Andi Janko, 36 vjeç, banues në Korçë, duke u finalizuar me ekstradimin e tij drejt vendit tonë.
Ky shtetas ishte shpallur në kërkim ndërkombëtar nga ZQK Interpol Tirana, pasi Gjykata e Shkallës së Parë Korçë, me vendimin e datës 01.03.2017, e ka dënuar këtë shtetas me 12 vite burg, për veprën penale “Mashtrimi me pasojë të rëndë”, kryer më shumë se një herë. Ky shtetas iu dorëzua Drejtorisë së Përgjithshme të Burgjeve”, thuhet në njoftimin zyrtar të policisë.
