Dhimbje e pamasë për Albert Carën nga Zajs i Mirditës. Ishin shpërngulur nga fshati i largët për një jetë më të mirë, por fatkeqësia natyrore i shkaktoi vdekjen e 7 të afërmi. Në këto ditë të vështira të mbijetuarit Cara i janë gjendur të gjithë banorët e fshatit.
“Ngushëllimet më të ndjera shkojnë për kushëririn tim Albert Cara i cili ka humbur gjithë familjen e tij në këtë tragjedi, dy djemtë, vajzën, nusen e djalit, gruan, nusen e xhaxhait dhe mbesën e vogël. Albert! Të dhëntë zoti forcë të përballosh këtë fatkeqësi dhe ne do na kesh në krah në çdo sekondë. Falenderojmë të gjithë njerzit që na janë gjendur pranë në këto momente zie, të gjithë ato që kanë kontribuar për të gjitha familjet që janë prekur nga kjo fatkeqësi natyrore, mbi të gjitha falenderojmë fiset Beci, Arapi, Noku, Buraku që na janë gjendur pranë në cdo fatkeqësi”, shkruan Bajram Cara. /tirananews.al/