Gjykata e Tiranës ka vendosur vetëm detyrim paraqitje për ish-kreun i IMT-së, Mariglen Qato.
Prokuroria më herët kishte kërkuar masën “arrest me burg” për akuzën e “shpërdorimit të detyrës”, pasi u kallëzua bashkë me dy inspektorë, me pretendimin se kishin lejuar një ndërtim pa leje.
Po kështu gjykata ka vendosur detyrim paraqitje edhe për inspektorët e IMT, Adrian Caushaj dhe Leandro Lamani, me të njëjtën akuzë për shpërdorim detyre në bashkëpunim.
Për arkitektin K.B. është caktuar masa e sigurisë “arrest shtëpie”. Qato dhe inspektorët e IMT akuzohen se kanë lejuar një ndërtim pa leje në kryeqytet.