Nga shkallët e Kuvendit të Shqipërisë, kreu i PD-së së vulës, Lulzim Basha tha se postin e kreut të grupit parlamentar të PD-së që ia mori Gazment Bardhit edhe pse ku i fundit sot tha se ai është në këtë detyrë, do ta delegojë tek një nga nënkryetarët.
“Beteja jonë është për qytetarët. Duhet të punojmë dhe të shërbejmë njerëzve.
Prej ditës së djeshme me hyrjen në fuqi të satutit, janë marrë vendimet përkatëse, por për të shuar kureshtjen tuaj dua ta deklaroj hapur që si kreu i PD-së dhe i ngarkuar edhe me detyrën e kreut të grupit, kam ndërmend ta delegoj këtë detyre te një nga nënkryetarët e grupit, siç ka qenë përherë.
Thirrja ime për çdo deputet është që tani është momenti të shohim përtej interesave personalë, përtej frikërave që mund të ketë shkaktuar konflikti, se në fund të fundit janë shprehur mbi 4 mijë delegatë të PD dhe ata janë një fuqi reale”,-tha Basha.