Në mbledhjen e Këshillit Kombëtar të Integrimit morën pjesë personalitete politike të rëndësishme të vendit, ndër të tjera kryeministri Edi Rama, presidenti Ilir Meta dhe ambasadori i BE Luigi Soreca.
Rama tha se kur vjen puna tek integrimi europian i Shqipërisë, të gjithë duhet të jemi bashkë. Ndërsa, Rama fliste, ishte Rudina Hajdari ajo që ndërpreu fjalën e kryeministrit. Pas kësaj, Rama iu drejtua Hajdarit me ironi duke i thënë “patjetër zonja Topalli”
Edi Rama: Të gjithë ta dinë, se kur vjen puna për integrimin e Shqipërisë, duhet të jemi të gjithë bashkë. Këtu duhet të ishte edhe opozita. Kjo sepse opozita është alternativa e qeverisë. Përpara 11 vitesh ka qenë një qeveri tjetër që e nisi këtë rrugëtim, tani po nisim ne negociatat, ndërsa anëtarësimin, në të ardhmen mund ta bëjë një qeveri tjetër.
Rudina Hajdari: Zoti kryeminisitër, më duket që ta ndërpres fjalën tuaj tashmë.
Edi Rama: Patjetër zonja Topalli.
Rudina Hajdari: Duhet vlerësuar roli i qeverisë, por edhe ai i presidentit të Shqipërisë Ilir Meta. Ne duhet që të negociojmë hapjen e negociatave.