Një 50-vjeçar është shpallur në kërkim nga policia, pasi rezulton i përfshirë në një vrasje të ndodhur në vitin 2009.
Sipas policisë, në bashkëpunim me Interpol Tiranën, partnerët vijojnë punën për lokalizimin dhe kapjen e tij. Ndërkohë lidhur me këtë ngjarje, janë arrestuar katër shtetas të tjerë, njëri prej të cilëve është ekstraduar nga Anglia, dy muaj më parë. I ekstraduari nga Anglia i lokalizuar falë informacionit që dispononte DVP Elbasan dhe Departamenti i Policisë Kriminalë, si edhe shkëmbimit në kohë të informacionit me autoritetet ligjzbatuese angleze.
Ndërkohë gjykata e rrethit gjyqësor të Elbasanit, ka caktuar ndaj 50-vjeçarit të identifikuar dhe shpallur në kërkim, masën e sigurisë “Arrest në burg”, për veprën penale “Vrasja me paramendim”, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe municionit”.
Ky shtetas dyshohet se në bashkëpunim me tre shtetas të tjerë, të arrestuar tashmë dhe shtetasin e ekstraduar nga Anglia 2 muaj më parë, kanë kryer vrasje në vitin 2009 në Elbasan.
Strukturat hetimore të DVP Elbasan në bashkëpunim me Prokurorinë vijojnë intensivisht punën për sigurimin e provave me qëllim zbardhjen dhe dokumentimin ligjor të ngjarjeve kriminale të ndodhura më parë.