Një 30-vjeçar është proceduar penalisht, pasi u kap në pikën kufitare të Kapshticës pa deklaruar sasinë e parave që kishte me vete.
I riu po udhëtonte me mbi 15 mijë euro, shifër e cila u sekuestrua nga autoritetet përkatëse pasi nuk ishin deklaruar në kufi.
Njoftimi i policisë:
Sekuestrohen 15 580 euro. Procedohet penalisht poseduesi, i cili nuk i deklaroi në kufi, siç e përcakton ligji.
Shërbimet e Stacionit të Policisë Kufitare Kapshticë, në bashkëpunim me FRONTEX-in dhe autoritetet doganore, në vijim të punës për parandalimin dhe goditjen e paligjshmërisë, në kuadër të kontrolleve të shtuara, në dalje të Republikës së Shqipërisë, gjatë kontrollit të imtësishëm, në valixhet e shtetasit L. S., 30 vjeç (pasagjer në një autobus), banues në Manëz, Durrës, gjetën 15 580 euro, të cilat ai nuk i kishte deklaruar në kufi, siç e përcakton ligji.