Të shpeshta janë skenat e rrezikshme që bëhen nga të rinjtë shqiptarë në rrugët e vendit me makinat e tyre, kryesisht për të regjistruar video dhe për t’i shpërndarë në rrjetet sociale.
Mbrëmjen e sotme, faqja ‘Aksidentet Rrugore’, ka shpërndarë një video të një të riu në Peshkopi që bën drift në rrugë, xhiron gomat por detyrohet të ikë me shpejtësi kur sheh makinën e policisë.
Postimi:
Drift me makinë dhe xhirim gomash në mes të rrugës, të riut i shkon ters gjithçka
Manovrat e rrezikshme në rrugë shpeshherë bëhen shkak aksidentesh në Shqipëri.
Raste të tilla papërgjegjshmërie janë të shumta, të publikuara edhe nga faqja jonë. Së fundmi një video e ngjashme ka mbërritur para pak minutash në inbox, ku një person në Peshkopi është filmuar nga kamerat e sigurisë duke bërë drift me makinë dhe duke xhiruar gomat në mes të rrugës. Por e gjithë “shfaqja” prishet nga një patrullë e Policisë Rrugore e cila kalon aty. Menjëherë sapo e vë re, drejtuesi i mjetit nxiton të futet në një lavazh aty pranë.