Partia Demokratike nuk ka “tradhëtarë” do të thoshte Ivi Kaso i PD-së teksa dorëzonte në KQZ dokumentacionin se janë dorëheqjet vullnetare të kandidatëve te saj. Por këtë të hënë ka dorëzuar formularin e dekriminalizimit Lefter Maliqi.
Atij i takon mandati i Partisë Demokratike në Berat, sipas listës së PD-së dorëzuar për zgjedhjet e përgjithshme në 2017-tën.
Sot, Maliqi është zv.drejtor i Përgjithshëm i Burgjeve, por dhe i treti në listën e kandidatëve të Beratit. Kur u morr vendimi i opozitës për djegien e mandateve ai u përgjigj se ishte duke ndjekur situatën.
“Kam qenë deputet i PD 2009 -2013 dhe i dhashë PD mandatin e 70 pasi përherë të parë PD në qarkun Berat mori 3 mandate dhe mandati i 3 i dha pushtetin, e cila bashkëqeverisi me LSI. Në 2013 fitova i dyti i Partisë Demorkatike, pasi ktheva të majtët në të djathtë, sidomos në dy ish-komunat Otllak e Lumas ku dhe kam qenë kryetar komune dhe në 2013 isha përsëri i 3, më pas 4 vjet në opozitë”, ka thënë mes të tjerash ai.
Ka qenë pikërisht kjo renditje e tij në listë që solli pakënaqësinë e tij me Lulzim Bashën, dhe ndarjen nga PD.