Zlatan Ibrahimoviç është prezantuar zyrtarisht si futbollisti i Milanit dhe ka zgjedhur njëkohësisht numrin që do të mbajë në fanelë këtë sezon. Dikur sulmuesi kishte veshur bluzen me numrin 11, ndërkohë që suedezi vendosi të bëjë ndryshime duke zgjedhur numrin 21.
Ibrahimoviç dha edhe deklaratën e tij të parë si futbollist i Milanit, ku premtoi se do të ndihmojë skuadrën për t’u rikthyer sërish në majën e futbollit italian. “Më prisni në ‘San Siro’ të ngremë sërish Milanin aty ku duhet të jetë”, u shpreh Ibrahimoviç.
