Humbja e zgjedhjeve të 25 prillit ka bërë që shumë prej demokratëve të kërkojnë një emër të ri për t’i drejtuar për fushatën e ardhshme. Një prej tyre është dhe Ibsen Elezi i cili ka shprehur hapur pakënaqësi ndaj liderit aktual. Përmes një postimi në rrete sociale, ish-kreu i PD në Kukës Ibsen Elezi ka renditur disa nga dëmet që sipas tij Lulzim Basha i ka bërë partisë në këtë qark.
Postimi:
Disa pyetje kanë të bëjnë me Kukësin dhe që duhen sqaruar sot nga ai.
1- Në 2015 u shit Këshilli i Qarkut Kukës, 1 vit më vonë me kërkesë të Prokurorisë u kërkua heqja e mandatit për Abedin Oruçin dhe përfaqësuesit e PD në Komisionin Qendror Zgjedhor votuan PRO tij, me dijeninë tuaj.
2- Në Kuvendin e degës (dhjetor 2016) GËNJYET se problemet mes degës PD Kukes dhe bashkisë do zgjidhen në një mbedhje urgjente që nuk u zhvillua kurrë. Për më tepër u sabotuan disa mbledhje kryesie për një periudhë 1 vjeccare, kjo situatë absurde solli dëmtimin e imazhit të PD.
3- Në kuvendin e degës ( dhjetor 2016) premtuat dhe më pas GËNJYET se s’do bashkëpunoni me LSI.
4- Kryesinë e PD dhe grupin e këshilltarëve të Bashkisë Kukës refuzuat ta takoni për rreth 4 vjet dhe nuk iu përgjigjët asnjë shkrese.
5- Për humbjen e thellë në 2017, rënien me 4600 vota ( nga 14200 në 9600 ) nuk u bë asnjë analizë.
6- Në vitin 2018, në protestën e 31 marsit u bëtë palë me Edi Ramen dhe Kastratin për shuarjen e protestës. Premtuat se vec kur të shkelin mbi trupat e deputetëve do rivendoset trau i Kalimashit. Premtuat revolucion nëse do guxonin dhe në fakt mbyllët telefonin një jave para rivendosjes. Dërguat deputetin e Vlorës Agron Shehu thjesht për shoë.
7- Në 2019 dhuruat bashkinë e Kukësit te PS dhe zgjodhët Safet Gjicin, premtuat se këto zgjedhje nuk do njihen, pastaj se do bëhen dy palë zgjedhje dhe do largohet bashkë me Ramën në 2021 dhe ai vazhdon i qetë.
8- Në 2014 me udhëzim larguat nga drejtimi i strukturave kryetar, sekretar seksionesh dhe grupseksionesh që ishin fitues, rregull që nuk e zbaton për vete edhe pse ke humbur thellë 2 palë zgjedhje.
Kam qenë dhe jam kunder ccdonjërit që nuk respekton rregullat dhe frymën demokratike brenda dhe jashtë PD, sot L.Basha është kandidat, duhet pyetur dhe dëgjuar me durim.