Identifikohet autori i dyshuar i aksidentit me vdekje që ndodhi pak ditë më parë në vendin e quajtur “Ura e Zezë” në Papër të Elbasanit.
Burime për “BalkanWeb” bënë me dije se i dyshuari i kësaj ngjarjeje rezultoi se ishte arratisur për në Itali pas aksidentit.
Viktima, Dalip Xhakoj, rreth 60-vjeç nga fshati Vidhas i Elbasanit u identifikua tri ditë pas ngjarjes, ndërsa drejtuesi i automjetit që u përfshi në aksidentin në fjalë deri këtë prag fundjave ishte ende i paidentifikuar pasi ishte larguar pa adresë nga vendngjarja.