Pak më shumë se një muaj nga nisja e hetimit disiplinor ndaj zëvendës kryetarit të Këshillit të Lartë të Prokurorisë, Tartar Bazaj, Inspektori i Lartë i Drejtësisë, Tartar Bazaj, pushon çështjen.
Në vendimin e saj ILD shprehet se ka përfunduar me hetimin e plotë të çështjes dhe se nuk ka gjetur elementë të konfliktit të interesit për të cilat u pretendua nga anëtarët e KLP-së që e kërkuan pas mbledhjes ku u diskutua mandati i Alfred Ballës, i shkarkuar nga Vettingu dhe përjashtuar për 15 vjet nga e drejta për të qenë pjesë e sistemit.
Shkak për nisjen e hetimit u bë deklarata e tij, se ka dy studio ligjore ndërkohë që ushtron funksionin e anëtarit të KLP dhe nuk ia ndien për të patur poste drejtuese.
Por vetë Bazaj, pas nisjes së hetimit disiplinor, ka sqaruar ILD se dy studiot ligjore në pronësi të tij, janë të mbyllura. Ndërkohë i pyetur nga ne gjatë ditës së sotme, Bazaj tha se hetimi i nisur nuk ishte gjë tjetër vetëm një sulm ndaj figurës së tij dhe përpjekje për ta ndaluar atë të kandidonte për kreun e KLP-së.
Bazaj e konsideron të padrrjtë sulmin që në kohë të ndryshme i është bërë , madje thotë se ILD do të kishte vendosur masë disiplinore për të, nëse nuk do të mblidhte këshillin për të diskutuar mandatin e Alfred Ballës. Kreu i ILD-së Artur Metani i ka dorëzuar vendimin e pushimit të çështjes zëvendëskryetarit të KLP-së, i cili jo në pak raste ka denoncuar në mbledhjet e institucionit problematikat edhe me Shkollën e Magjistraturës.
