Një rezidencë gjigande dhe mjaft luksoze e cila ishte në pronësi të ish-yllit të Take That, Robbie Williams, tashmë ka kaluar në pronësinë e reperit kanadez, Drake. Mësohet se shitja është bërë për vlerën e 50 milionë dollarëve.
Vila luksoze përbëhet nga 10 dhoma gjumi. Ajo është e vendosur në një sipërfaqe prej tre hektarë tokë në Beverly Hills dhe besohet se i është shitur yllit kanadez të hip hopit në një marrëveshje jashtë tregut. Megjithatë, detajet financiare rreth blerjes nuk do të zbulohen deri në marrëveshjen zyrtare të shitjes.
Fillimisht Williams, i cili ndante shtëpinë me gruan e tij aktoren Ayda Field dhe katër fëmijët e tyre kishte shpresuar për një shitje prej 80 milionë dollarësh. Më pas, u vendos për shifrën dukshëm më të ulët pasi nuk arriti të gjente një blerës.
Megjithatë, këngëtari ka një fitim të dukshëm, pasi e kishte blerë atë nga bashkëthemeluesi i Guess, Armand Marciano për 32.67 milionë dollarë në vitin 2015, sipas të dhënave të pronës.
Prona e stilit toskan përfshin një vilë kryesore me përmasa rreth 25,000 metra katrorë që përmban dhjetë dhoma gjumi dhe jo më pak se njëzet e dy banja.
Vila luksoze përfshin gjithashtu një garazh për njëmbëdhjetë makina, bodrum vere, një palestër, një dhomë lojërash, një dhomë të shfaqjeve profesionale, një ashensor, një fushë tenisi, një pishinë me pllaka mozaiku dhe një kuzhinë të jashtme.
Blerja e vilës në Beverly Hills është blerja e parë e pasurive të paluajtshme të Drake në tregun e Los Anxhelosit, pasi më parë kishte blerë prona në vendlindjen e tij, Kanada, duke përfshirë një pronë prej 50,000 metrash katrorë në qytetin e tij të lindjes, Toronto.