Një 12-vjeçar në Angli u përjashtua nga shkolla dhe shkak u bë prerja e flokëve. Adoleshenti vendosi të nderojë legjendën e futbollit brazilian Ronaldo Nazário, me një prerje flokësh në stilin e brazilianit në Botërorin e vitit 2002.
Mirëpo, ky stil i kushtoi jo pak 12-vjeçarit, pasi humbi të drejtën që të vijonte shkollën në Akademisë Sirius West në Hull.
Nëna e nxënësit mori një telefonatë nga shkolla, ku u informua se i biri po dërgohet në shtëpi për shkelje të rregullave. Sipas tyre, prerja shkelte rregullat uniforme dhe ai nuk do të lejohej të rikthehej në shkollë derisa t’i priste totalisht flokët.