Kreu i bashkisë së Tiranës Erion Veliaj ka reaguar pas incidentit të Presidentit Ilir Meta me efektivët në zyrat e FRD-së duke e konsideruar një degradim mendor të kreut të shtetit.
“Nëse Presidenti për çdo paqartësi shkon të zihet me grushta, shqyen uniforma dhe rrihet me cdo njeri që mendo ndryshe, kemi të bëjmë me një degradim mendor të Presidenti. Nëse dikush ka problem me një shkresë le të shkojë në gjykatë, siç bëj unë gjithmonë. Zyrat janë në pronësi të bashkëisë së Tiranës, kati i parë është zyra e strehimit, e dyta e Mbrojtjes së Konsumatorit dhe kati i tretë gjithashtu pronë e bashkisë. Sipas ligjit të partive politike asnjë parti që s’ka mandat parlamentar dhe 1% të votës nuk e detyron bashkinë e Tiranës ti japë zyrë. Me këtë logjikë i bie që 184 parti që janë të regjistruara në Tiranë, secila të kshte një seli dhe pse nuk e zgjedh asnjëri”, tha Veliaj.
“Ne do të transferojmë zyrat, Bashkia merr me qira në privat dhe lë zyrat e veta dhe lë në zaptim zyra nga politikanët e lodhur, një mënyrë për të kursyer paratë e qytetarë, do duhet t’i përdorim këto zyra për njerëzit që i shërbejnë qytetit, jo partitë, do i procedojmë penalisht të gjithëve, dhe nëse do e dini si do përfundojnë kjo histori, zaptuesit do të largohet, qyteti do i kthehet qytetarëve”, tha me tej ai.