Janë 1300 drejtues institucionesh arsimore, që kanë aplikuar për t‘ju nënshtuar programit 9 mujor që ofron shkolla e drejtorëve. 390 kandidatë janë certifikuar dhe kanë përmbyllur me sukses provën për të qenë në krye të instutucioneve edukuese.
Më shumë se 600 kandidatë janë duke kryer trajnimin apo edhe testimet, pjesa tjetër nuk kanë arritur ta kalojnë me sukses provimin perfundimtar, duke u pozicionuar ne listëpritje për të përsëritur testin.
Prej 3 vitesh mësuesit që kanë ambicien për t’u bërë drejues në arsimin parauniversitar, kanë nisur trajnimin 9 muaj për të marrë certifikatën që u hap rrugën për këtë pozicion.
Ndërsa një pjesë e mirë e drejtuesve që janë në krye të institucioneve arsimore, kanë aplikuar për të kryer program që ofron shkolla e drejtorëve, për t’ju nënshtruar në fund testimit përfundimtar.
Drejtuesi i kësaj shkolle, Geron Kamberi, sqaron për RTSh se nga hapja e shkollës janë regjistruar për të kryer këtë program më shumë se 1300 kandidatë, ku 600 prej tyre janë ende në proces ndërsa më pak se 700 aplikantë e kanë përfunduar trajnimin.
Nga të dhënat e fundit rezulton se rreth 390 kandidatë janë certifikuar dhe kanë përmbyllur me sukses provën për të qenë në krye të instutucioneve edukuese.
Por edhe ata te cilët nuk kanë mundur ta marrin provimin përfundimtar, u jepet mundësia deri në tre herë ta rijapin për ta kaluar atë.
2276 drejtorë shkollash në të gjithë vendin do të trajnohen në shkollën e drejtorëve, por këtij filtri nuk do ti shpëtojnë edhe ata ta që aspirojnë të jenë dejtues në institucione edukuese.