Shërbimi i inteligjencës ukrainase ka publikuar listën e ushtarakëve rusë, sipas së cilës ka kryer krimet e luftës kundër popullit të Ukrainës.
Lista, që është publikuar në faqen e Ministrisë së Mbrojtjes, përfshin emrat, datat e lindjes, numrat e pasaportave dhe gradat e rreth 2000 ushtarakëve.
“Mos harroni! Të gjithë kriminelët e luftës do të sillen para drejtësisë për krimet e kryera kundër popullatës civile të Ukrainës”, thuhet në mesazhin e Ministrisë së Mbrojtjes.
Ndërkaq, Mbretëria e Bashkuar po shqyrton të gjitha mundësitë për të ngritur akuza ndaj kapitenëve, majorëve dhe kolonelëve në ushtrinë ruse.
Masat mund të përfshijnë sanksione, si dhe mënyra për t’i mbajtur individët ligjërisht përgjegjës për çdo krim të kryer në Ukrainë.