Zëvendësministrja e Shëndetësisë në Itali, Sandra Zampa, i ka dhënë shpresë të gjithëve se derbi i Milanos me Interit dhe Milanit i programuar më 17 tetor mund të luhet me tifozë.
Në një prononcim të dhënë së fundmi, ajo është shprehur se në rast se numrat e të prekurve shkojnë mirë, pra nuk rriten, atëherë ka shpresë që derbi i Milanos të luhet me tifozë.
“Nëse numrat në lidhje me koronavirusin janë mirë dhe nëse respektohen të gjitha rregullat me sukses, atëherë më 17 tetor derbi Inter-Milan mund të zhvillohet me praninë e tifozëve. Me hapjen e shkollave në do të shikojmë si do shkojë gjendja dhe më pas do të flasim edhe për hapjen e stadiumeve”, u shpreh Zampa.
Kujtojmë se Seria A për sezonin e ri nis më 19 shtator dhe sipas të gjitha gjasave do të luhet përsëri pa praninë e tifozëve.