Pak më shumë se një muaj për të vendosur përfundimisht të ardhmen e Marcelo Brozovic tek Inter. Sipas “La Gazzetta dello Sport”, drejtuesit e klubit zikaltër i kanë vendosur ultimatum mesfushorit, të rinovojë kontratën brenda Krishtlindjeve ose të largohet.
Brozovic ka një kontratë me Inter deri në qershor 2022 por palët kanë muaj që diskutojnë rinovimin. Marotta kërkon të respektojë linjën e klubit duke i ofruar kroatit një pagë prej 4 milionë euro në sezon por 28-vjeçari kërkon të firmos një kontratë të ngjashme me atë Lautaro Martinez, 6 milionë euro në sezon.
Ky kusht ka bërë që negociatat të ngrinë për momentin ndërsa në ditët e ardhshme është parashikuar një tjetër raund pasi drejtuesit e Inter e kanë me nxitim pasi dëshirojnë të programojnë të ardhmen. Nga ana tjetër Brozovic po studion ofertat që vijnë në drejtim të tij, ku Atletico Madrid dhe PSG kanë shfaqur interesim konkret. Për momentin përjashtohet një largim në janar pasi do ta kishin të vështirë ta zëvendësonin por rrezikojnë ta humbasin falas në fund të sezonit.