Sezoni i ri i Interit fillon me një fitore të pastër 5-0 në miqësore. Siç është bërë e zakonshme, Interi ka luajtur sot kundër Luganos, duke mundur ekipin zviceran me shifrat 5-0, duke konfirmuar se skuadra është me ritmin e duhur edhe pas kësaj vere e shkëputje të pazakonte nga aktivitetet.
Zikaltërit kanë ende kohë deri në debutimin e tyre në kampionat, por duket se po ecin në hapat e duhur, sidomos me prurjet e reja. Hakimi dha menjëherë sinjalet se është një lojtar që mund të bëjë diferencën, pasi në ndeshjen e sotme ishte ai që inicioi golin e avantazhit të Dalbert, si dhe ndikoi në autogolin e Kecskes.
Më pas, në skenë doli Lautaro Martinez, i cili shënoi dy gola në fundin e pjesës së parë të ndeshjes. Goli i pestë që vulosi suksesin 5-0 ishte ai me penallti nga Lukaku në pjesën e dytë të takimit ku në fushë zbriti edhe Kolarov, debutues në minutat e fundit.