Janë lëshuar me Falcon 9 të SpaceX bërthamat e para të 60 satelitëve të kostelacionit Starlink, për të sjellë internet kudo.
Lëshimi u bë nga baza e Cape Canaveral në Florida, pas dy vonesash javën e shkuar për shkak të erërave të forta. Çdo satelit peshon 227 kg dhe për Falcon 9 ka qenë ngarkesa më e rëndë që ka çuar në orbitë, ka thënë përfaqësuesi i kompanisë së Elon Musk.
Pas nisjes, faza e parë e raketës së ripërdorshme zbriti siç ishte parashikuar në platformën pritëse në Oqeanin Atlantik. Para lëshimit Musk kishte postuar në Twitter një foto të satelitetit që dukej si një masë gjigante letrash duke mbushur pothuajse çdo centimetër të hapësirës. Dhe kur lëshohen satelitët janë shpërndarë si letrat e bixhozit në tavolinë. Në vend që të përdornin mekanizmin për ti lënë të lirë, inxhinierët e SpaceX kanë zgjedhur të përdorin inercinë e vetë satelitëve. Pas lëshimit, satelitët kanë ndezur motorët për të arritur orbitën operative në lartësinë prej 550 km.