iPhone i ardhshëm mund të jetë një rikthim në të shkuarën përsa i përket dizajnit. Sipas disa deklaratave të analistit të njohur Ming Chi Kuo, i cili informohet shpesh mbi strategjitë e agjencisë së Cupertino, telefoni i Apple mund të ndryshojë e të kthehet në linjat kuadrat dhe pjesët anësore metalike si iPhone 4, i publikuar në vitin e largët 2010. Në fakt një gjë e tillë ka ndodhur tashmë me iPad Pro në 2018.
Me iPhone 6 Apple futi linjat më të rrumbullakosura ndërsa linja aktuale u fut për herë të parë tek iPhone X, që do të thotë që ka tre vite tashmë që kompania e Cupertino nuk ndryshon imazhin stilistik.
Por për vitin 2020 duket se rinovimi i dizajnit nuk do të jetë e vetmja risi, pasi do të ketë edhe një modem 5G në iPhone për të qenë në të njëjtin hap me konkurrentët. Modeli i ardhshëm mendohet që nuk do të ketë as “notch”.