Qeveria irakiane i ka bërë thirrje Turqisë që të kërkojë falje për sulmin në aeroportin e Sulaymaniyah në Irakun verior.
Në një deklaratë, presidenca irakiane theksoi se Turqia nuk kishte asnjë justifikim ligjor për të vazhduar të frikësojë civilët me pretekstin se forcat armiqësore ndaj saj janë të pranishme në tokën irakiane.
“Në këtë aspekt i bëjmë thirrje qeverisë turke të marrë përgjegjësinë dhe të kërkojë falje zyrtare”, thuhet në deklaratë.
Një zyrtar i ministrisë turke të mbrojtjes tha se asnjë operacion i Forcave të Armatosura Turke nuk u zhvillua në atë rajon të premten. Forcat Demokratike Siriane (SDF) të mbështetura nga SHBA thanë në një deklaratë të shtunën se shefi i saj, Mazloum Abdi, ishte në aeroport në kohën e sulmit të supozuar, por nuk pati asnjë të plagosur.