Departamenti Amerikan i Drejtësisë, informon se ka ngritur akuza ndaj tre personave të lidhur me Iranin që kishin komplotuar për të vrarë Donald Trump para zgjedhjeve presidenciale.
Kanë qenë zyrtarë iranianë që i kërkuan në Shtator një prej personave të akuzuar të fokusohej në vëzhgimin dhe vrasjen e Trump. Ky person është i lirë në Iran.
Komploti nuk u arrit të vihej në zbatim pasi u zbulua nga autoritetet amerikane. Donald Trump u shpëtoi 2 atentateve gjatë fushatës elektorale, por nuk dihet nëse pas tyre ka qenë Irani.