E ardhmja e inteligjencës artificiale është vënë në vëmendjen e shumë debateve mes teknologjistëve dhe politikbërësve.
Ish CEO i Google, Eric Schmidt ka deklaruar se AI mund të përbëjë një rrezik ekzistencial dhe qeveritë duhet të mësojnë sesi të parandalohet keqpërdorimi i saj nga njerëz të këqij.
ChatGPT, roboti me AI që u bë viral vitin e kaluar, ka shtuar interesimin për inteligjencën artificiale, ndërsa kompani të mëdha në mbarë botën po kërkojnë të lançojnë produktet e tyre rivale.
Duke folur për Samtin e Këshillit të CEO-ve në Londër organizuar nga The Wall Street Journal, Schmidt tha se shqetësimi i tij është rreziku ekzistencial që përbën AI.
“Një rrezik ekzistencial do të thotë dëmtim apo vrasje të shumë njerëzve,” tha ai.
“Ka skenarë që thonë se këto sisteme do të mund të gjejnë probleme sigurie zero-ditore ose lloje të reja biologjie. Sot mund të duket çudi, por në të ardhmen mund të bëhet realiteti,” tha ai.