Ish-futbollisti i Dortmund, Julian Veigël ka rrëfyer së fundmi një histori e cila mund të konsiderohet e pafat, duke marrë parasysh moshën e lojtarit në atë kohë. Në moshën 18-vjeçare, mesfushori ishte pjesë e klubit të Mynih 1860. Duke dalluar cilësitë e tij, stafi teknik vendosi t’i besonte shiritin e kapitenit.
Por, gjermani nuk arriti ta mbante për shumë kohë, kjo për arsyen se së bashku me tre shokë të skuadrës kishin dalë natën dhe gjatë rrugës së kthimit me taksi, të ndikuar edhe nga alkooli, folën më shumë seç duhej kundër klubit. Shoferi i taksisë nuk toleroi por ia tregoi të gjithë ngjarjen drejtuesve të Mynih 1860, të cilët i hoqën shiritin vetëm pas 10 ditëve në krah. Veigël tregon se nga ajo histori është prekur shumë, por e pranon se është treguar naiv.
“Kur më hoqën shiritin në vitin 2014, isha i shkatërruar. Në atë kohë isha naiv, edhe pse isha kapiteni i skuadrës. Mendova se ishte më thjeshtë seç dukej”, u shpreh Veigël. Megjithatë, mesfushori e ka lënë pas atë periudhë ndërsa tashmë është transferuar te Benfika dhe është pjesë e Kombëtares gjermane.