Kilian Mbape ende nuk ka gjetur rrugën e rrjetës në këtë europian dhe tashmë presioni mbi të po shtohet. Nuk kanë munguar edhe kritikat, ndërsa së fundmi, sulmuesi ka marrë edhe disa fjalë të ashpra nga ish-futbollisti i PSG, Zherom Roten.
Ky i fundit thekson se Mbape ka një sjellje të keqe jashtë fushës, ndërsa sipas tij edhe trajneri Didier Deshamp nuk po arrin ta kontrolloj.
“Ai është një lider në fushë, por jashtë saj ai më bezdis me sjelljen. Mendoj se edhe Deshamp nuk e kontrollon dot më. Egoja e tij është e madhe, ka qenë një problem prej fillimit të europianit. Presim shumë më shumë nga Mbape. Të gjithë mendojnë se ai është një nga lojtarët më të mirë dhe nëse është kështu, atëherë ai nuk mund të mjaftohet me ndonjë pasim te Benzema apo me asistin te Grizman pas një dueli fizik të fituar ndaj Hungarisë”, u shpreh Roten.