Ish-anëtari i Kolegjit të Posaçëm të Apelimit, Ardian Hajdari është shpallur fajtor për fshehjen e pasurisë, pasi nuk ka bërë deklarime të sakta në lidhje me disa vite punë si avokat.
Gjykata e Posaçme e dënoi me 1 vit burg, por dënimi u pezullua dhe iu konvertua në 2 vite shërbim prove. Ish-gjyqtari i Kolegjit të Apelimit u pezullua nga detyra në muajin shkurt të vitit 2022.
Ai akuzohet nga SPAK për fshehje të të ardhurave tatimore dhe mos deklarim pasurie në ILKDPI gjatë ushtrimit të detyrës së avokatit. Hajdari është kallëzuar penalisht në qershor 2020 nga ish-magjistratët Antoneta Sevdari, Elsion Sadiku dhe Ervin Metalla.