Në Gjykatën e Posaçme të Apelit, këtë të hënë dështoi nisja e procesit gjyqësor për ish-gjyqtaren e Krujës, Enkelejda Hoxha, e cila ka liruar nga burgjet e vendit shumë të fortë.
Shkak për shtyrjen e seancës është bërë mosformimi i trupës gjykuese, pasi mungonte gjyqtarja Saida Dollani. Enkelejda Hoxha u dënua në Shkallë të Parë me 3 vite e 4 muaj heqje lirie, dënim që e shleu me kohën e qëndrimit në paraburgim dhe u lirua rreth dy javë më parë.
Hoxha kërkon në Apel prishjen e vendimit të Shkallës së Parë dhe marrjen e pafajësisë. Enkelejda Hoxha akuzohet nga SPAK për shpërdorim detyre dhe korrupsion. Ish-gjyqtarja dyshohet se nëpërmjet ryshfetit të ketë liruar nga qelia disa nga personazhet më të njohur të botës së krimit.