Partia Socialiste festoi sot 28-vjetorin e themelimit. Festimet e socialistëve kulmuan në Tiranë në orën 18:30 në një aktivitet tek Amfiteatri i Parkut të Liqenit. Por ajo që ra në sy është se pak kush u kujtua për Saimir Tahirin, ish-ministrin e Brendshëm dhe njëherësh ish-kryetarin e PS për Tiranën. Por në këtë ditë të shënuar për PS, Tahiri ka reaguar pas shumë kohësh duke kujtuar një nga socialistet më të vjetra në PS, Norën dhe përmes saj shumë të tjerë. “E njeh Noren, po ke shkelur të paktën një herë në pragun e PS! Të përshëndet e të përqafon me dashuri, siç ka bërë me mua çdo herë, që shumë vjet më parë.
Socialiste e thjeshtë nga ato që opozitë a pushtet qofshin të tjerët, nuk i bën asnjë dallim.
Si Nora, është Tasha, Ida, Teuta, Dhurata, Haxhiu i ndjerë, e shumë të tjerë që kanë qenë e janë të zotët e shtëpisë në selinë e PS, në ccdo ditë e datë! Bashke me mijëra njerëz të tjerë që te PS kanë parë forcën e shpirtit për të ardhmen e fëmijëve.
Ne të tjerët edhe kemi gabuar, këta jo! Kurrë! Gëzuar për ju, e për gjithë njerëzit që duan Shqipërinë!
#gëzuar28vitePS”, shkruan Tahiri.
