Ish-ministri i Mbrojtjes në qeverinë e Pajtimit Kombëtar, Shaqir Vukaj, për të na rikthyer pas në kohë në ngjarjet e 26 majit të vitit 1996.
Vukaj tregoi se nuk kishte qenë asnjëherë në Ministrinë e Mbrojtjes dhe për herë të parë aty ka qenë kur mori detyrën e ministrit. Ai foli edhe për kreun e SHIK në atë periudhë, Bashkim Gazideden i cili i kishte lënë një përshtypje jo të mirë me arrogancën e tij. Vukaj thotë se edhe pse nuk njiheshin e dinte që Gazidede i kishte vendosur njerëz për ta përgjuar.
“Më kishte rastisur të hyja në shumë Ministri. Në atë të Mbrojtjes kam hyrë për herë të parë si ministër. Nuk kam qenë as ushtarak madje s’kisha bërë as zborin. Gjithë vëmendja u përqëndrua tek SHIK që kishte qëlluar jo vetëm mbi popullin por edhe mbi ushtarakë. Në ministri në ’97 flitej hapur për SHIK. Komandanti i përgjithshëm i operacionit u caktua Bashkim Gazidede që kishte në vartësi dhe Ministrinë e Mbrojtjes. Operacionin e komandonte ai. Ushtarakët e vërtetë ishin shumë të prekur. Kur e thirra në qeveri i bëra një pyetje dhe m’u përgjigj keq, me arrogancë. Nuk e zgjata, nuk merrem me njerëz që nuk ja vlejnë. Unë nuk e njoh Gazideden, por e di që në periudhën që ai ka qenë në drejtim SHIK më ka ndjekur edhe mua, më kanë përgjuar telefonat”, u shpreh Vukaj në Shqip.