Ish-shefi i Policisë së Vlorës, Jaeld Çela i cili është dënuar nga Gjykata si i përfshirë në çështjen “Tahiri”, ka depozituar pranë Gjykatës së Posaçme të Apelit për Korrupsionin dhe Krimin e Organizuar kërkesën e tij për rekurs.
Njoftimi i GJKKO:
Komunikohet në mënyrë të përmbledhur se, sot më datë 21.04.2022, në Gjykatën e Posaçme të Apelit për Korrupsionin dhe Krimin e Organizuar, u depozitua dhe u regjistrua rekursi nr. 74, datë 21.04.2022, paraqitur nga i pandehuri J.Ç., ndaj vendimit nr. 03, datë 04.02.2022 të Gjykatës së Posaçme të Apelit për Korrupsionin dhe Krimin e Organizuar, me të cilin u deklaruan fajtorë të pandehurit S.T. dhe J.Ç. për veprat penale të parashikuara nga nenet 283/a/1, 28/4, 333/a/2 dhe 334/1 të Kodit Penal.
