Carla Bruni njihet si modele, kantautore por dhe ish Zonja e Parë e Francës, si bashkëshortja e Nicolas Sarkozy.
Pas largimit si President të bashkëshortit të saj, Carla iu dedikua tërësisht karrierës së saj, teksa ka nisur edhe turin e koncerteve nëpër botë. Në këtë projekt të saj është përfshirë edhe Shqipëria dhe këtë e ka bërë të ditur vetë Carla.
Ajo do performojë këngë nga albumi i saj i ri ‘Prekje franceze’ të cilat prezantohen për herë të parë. Nëpërmjet një video këngëtarja ka përshëndetur publikun shqiptar duke i ftuar artdashësit në amfiteatrin e Butrintit më 21 qershor, datë që përkon edhe me festën e muzikës.
“Përshëndetje të gjithëve në Shqipëri. Jam Carla Bruni dhe do këndoj për ju në Ditën e Festës së Muzikës në teatrin e vjetër të Butrintit në orën 21:00,”-tha ajo.