Detaje të reja janë mësuar nga vrasja që ndodhi mëngjesin e sotëm në fshatin Shelqet të Vaut të Dejës. Viktima Agron Metushi dhe autori i dyshuar Alfons Palushani që u arrestua nga policia, ndodheshin në një lokal, por në tavolina të ndryshme. Gjatë qëndrimit në lokal viktima dhe autori kanë fyer njeri-tjetrin në distancë.
Rreth orës 3 të mëngjesit, Alfons Palushani ka marrë një armë zjarri automatik kallashnikov dhe ka qëlluar në oborrin e lokalit shtetasin Agron Metushi i cili mbeti i vdekur në vend.
Sipas burimeve dyshohet se personat e përfshire në këtë ngjarje të rëndë kanë qenë të alkoolizuar. Ndërkohë efektivet po bëjnë shoqërimin në polici të disa personave të tjerë që kanë qenë në lokal për të mësuar më shumë rreth kësaj ngjarje.