Policia e Vlorës ka vënë në pranga një 24-vjeçar, i shpallur në kërkim nga autoritetet italiane.
Bëhet fjalë për Adjel çaushaj për një ngjarje në janar të 2017 në Ankona të Italisë ku u sekuestrua një sasi mbi 2 ton marijuanë që vinte nga Shqipëria.
NJOFTIMI
Strukturat e Drejtorisë Vendore të Policisë Vlorë, krahas punës së pandërprerë për monitorimin dhe zbatimin e masave, me qëllim parandalimin e përhapjes së COVID-19, vijojnë punën për goditjen e paligjshmërive, si dhe për kapjen e shtetasve të shpallur në kërkim kombëtar.
Në kuadër të procedimit penal nr. 12 të vitit 2017, shërbimet e seksionit të narkotikëve, në bashkëpunim me strukturat e tjera mbështetëse pranë DVP Vlorë, pas informacioneve të marra në rrugë operative, kanë bërë të mundur kapjen dhe ndalimin e shtetasit në kërkim:
A. C., 24 vjeç, banues në Vlorë.
Kapja dhe ndalimi i tij u bë pasi Gjykata e Posaçme për Korrupsionin dhe Krimin e Organizuar Tiranë i ka caktuar masën e sigurisë “Arrest në burg”.
Nga hetimet e kryera ka rezultuar se ky shtetas dyshohet të jetë implikuar në ngjarjen e ndodhur më 13 janar 2017, në Ankona të Italisë, ku është kapur një sasi e konsiderueshme lënde narkotike marijuanë prej 2 ton e 530 kg.
Materialet procedurale iu referuan Prokurorisë Pranë Gjykatës së Shkallës së Parë Vlorë, për veprime të mëtejshme.
Kush eshte i arrestuari
Adjel Çaushaj lindur më 15 gusht 1995, lindur dhe banues në Vlorë, me
kombësi dhe shtetësi shqiptare, me gjendje familjare beqar, me gjendje
gjyqësore i padënuar,
I akuzuar për kryerjen e veprave penale “Trafikimi i narkotikëve”, në
bashkëpunim, në formën e posaçme të grupit të strukturuar kriminal,
“Grupi i strukturuar kriminal”, “Kryerja e veprave penale nga organizata
kriminale dhe grupi i strukturuar kriminal”, parashikuara nga nenet
283/a/1, 28/4, 333/a/2, 334/1 të Kodit Penal, i hetuar me masën e
sigurimit arrest në burg në mungesë.