Yu Weifeng ishte rrëmbyer 18 vite më parë kur ishte tre vjeç pranë kantierit ku i ati punonte në Kinë. Që atëherë familjarët e kanë kërkuar por më kot.
Sot 21 vjeç, ai u gjet falë aplikacionit FaceApp. Ky i fundit në qendër të vëmendjes në të gjithë botën, për faktin se të tregon si do jesh kur të plakesh, por dhe deklaratave se është një aplikacion rus që spiunon dhe vjedh të dhëna.
Por këto për prindërit e Yu nuk kanë rëndësi. Policia përdori pikërisht aplikacionin për të parë se si është sot i riu i cili studion në Universitet. Ai refuzoi të besonte se ishte fëmijë i rrëmbyer kur e gjetën, por këtë e konfirmoi ADN-ja.
“Nuk më mbetet gjë tjetër për të thënë vetëm që të falenderoj familjen që ka rritur djalin tim. Ne jemi prindërit biologjik por janë ata që e kanë bërë djalin që është ai sot. Që ditën e sotme djali im ka dy nëna’- ka thënë nëna biologjike e 21-vjecarit.
