Një ngjarje e rëndë ka ndodhur në Itali, ku një grua e cila u bë nënë për herë të tretë pak javë më parë ka humbur jetën.Hazbije Seferi Sinameta vdiq papritur nga një hemorragji cerebrale në Veneto të Italisë në moshën 34 vjeçare. Ajo banonte me familjen e saj në Bosco dhe ishte integruar në mënyrë të përsosur në komunitet.
Historia ka tronditur jashtëzakonisht shumë komunitetin, shkruan media italiane Gazzettino. Të dielën e kaluar u ankua për dhimbje të forta koke dhe pas katër ditësh, i ra të fiktë në shtëpi.
Ajo u dërgua me urgjencë në spital, ku mjekët zbuluan se kishte pësuar hemorragji cerebrale, e cila i shkaktoi vdekjen. Gruaja, përveç burrit të saj, la dy fëmijë të moshës 14, 8 vjeç dhe fëmijën e tretë të lindur vetëm disa javë më parë.