Hetimet kishin nisur një vit më parë por operacioni u finalizua vetëm këto ditë. Agjencia e Doganave e Civitanova Marche, në shërbim të San Benedetto në Itali, ka sekuestruar 40 fuçi me nga 10 kg metiletilketon, një tretës që përdoret për bojërat por që megjithatë konsiderohet si pararendës i drogës, që ka një funksion të rëndësishëm në prodhimin dhe përgatitjen e drogërave të forta.
Lajmi bëhet i ditur nga media lokale italiane, ku zyrtarët e doganës kanë bërë verifikime një në një magazinë në San Benedetto. Materiali ishte gati për tu nisur për në Shqipëri dhe ishte siguruar nga një punishte në Vicentino. Por dokumentacioni nuk ishte në rregull.
Në fakt, sipas normave të reja europiane, tregëtimi i kësaj lloj substance jashtë vendit mund të bëhet por vetëm me një autorizim dhe në disa vende. Vendet e tjera, ku Shqipëria nuk përfshihet, janë të futura në një listë të zezë. Ishte pikërisht fakti se mungonte një dokument që nisi hetimet nga dogana në këtë magazinë, dhe kjo sassi u sekuestrua në pritje të saktësimeve.
Ndaj përfaqësuesit ligjor të kompanisë supozohet akuza e “eksportit të pararendësve të drogës” dhe “ideologjisë së rreme të kryer nga privati në një akt publik”.
