Një “boss” shqiptar i trafikut të drogës në Firence, arrinte të xhironte deri në dy milionë euro nga shpërndarja e kokainës dhe heroinës në 13 rajone të Italisë. Ai ishte pjesëtar i një bande kriminale të përbërë nga shqiptarë, italianë dhe marokenë dhe transportonte dërgesa prej 50 kilogramësh heroinë dhe 20 kokainë.
Por, gjjatë hetimeve të autoriteteve italiane, ato kanë mundur të gjejnë disa blloqe ku grupi kriminal shënonte shumat e fituara individuale nga shitja e drogës. Falë këtij blloku, policia arriti të përcaktonte xhiron e realizuar nga narko-trafikanti shqiptar, e cila kapte shifrën prej 2 milionë eurosh në muaj.
Këto të dhëna u bënë publike nga Policia e Bolonjas pas operacionit ndaj grupit në fjalë dhe dërgimit të tyre për gjykim.
Sipas mediave italiane, operacioni është kryer gjatë ditëve të fundit dhe grupit kriminal i janë sekuestruar edhe 26 kilogram kokainë dhe 22 kilogram heroinë në bazat e tyre. Policia italiane bën me dije se sasia e drogës ishte gati për t’u hedhur në treg.