Italia ka arritur që të gjejë vaksinën e duhur për të izoluar koronavirusin i cili deri më tani ka marrë jetën e 304 personave dhe mbi 14 mijë të tjerë janë infektuar.

Ministri italian i Shëndetësisë, Roberto Speranza, gjatë një konference për mediat, ka bërë me dije se zbulimi është arritur nga Instituti Kombëtar Italian i Sëmundjeve Infektive Spallanzzani, ku prej disa ditësh qëndrojnë të izoluar e nën kurim çifti i turistëve kinezë të infektuar nga koronavirus.

“Tani kemi më shumë mundësi për ta bllokuar sa më mirë e shpejt përhapjen e këtij virusi,” deklaron ministri italian  në selinë e Institutit të Sëmundjeve Infektive të Romës.

Ndër të tjera mediat italiane bëjnë me dije se drejtori i këtij Instituti Shëndetësor,mjeku Giuseppe Ippolito deklaron se “zbulimi i tyre do të vihet në dispozicion të komunitetit shkencor ndërkombëtar e Italia do të jetë ndërmjetëse referuese për testimet e diagnozës e vaksinës kundër koronavirus.”

PËRGJIGJU

Please enter your comment!
Please enter your name here