Italia ka vendosur masa të reja kufizuese në 5 nga 20 rajonet e vendit për të parandaluar përhapjen e koronavirusit. Autoritet italiane, morën këtë vendim, pasi shkencëtarët paralajmëruan variantet e reja të Covid-19 që po përhapen në Itali.
Shteti fqinj ka krijuar një sistem të masave përmes kategorizimeve me ngjyra (e bardhë, e verdhë, e portokalli dhe e kuqe) dhe masat vendosen në përputhje me nivelin e infektimit.
Dy rajonet Basilicata dhe Molise janë futur në zonën e kuqe, duke mbyllur kafenetë dhe restorantet, si dhe do te ketë kufizim të lëvizjes dhe do të lejohet që të punojnë vetëm dyqanet me gjëra thelbësore që iu nevojiten njerëzve.
Ndërsa, në Lombardi dhe Piedmont dhe Marche po ashtu janë ashpërsuar masat, duke u kategorizuar në zonën portokalli. Në këto dy rajone, qytetarët nuk do të lejohen që të largohen nga qytetet e tyre, përveç në raste emergjente, për punë apo për arsye shëndetësore.Vorë/ Makina përplaset me trafikndarësen, humb jetën pasagjeri
Aksident me pasojë vdekjen në Vorë. Ngjarja ka ndodhur mesditën e sotme në fshatin Gjokaj të Vorës ku mjeti i drejtuar nga shtetasi H. S., ka humbur kontrollin duke dalë nga rruga dhe përplasur me trafikndarësen.
Për pasojë, drejtuesi i mjetit është plagosur, ndërsa pasagjeri me të, shtetasi S. S., rreth 80 vjeç ka ndërruar jetë.
Tiranë/Informacion paraprak
Në fshatin Gjokaj, Vorë, shtetasi H. S., ka humbur kontrollin e mjetit duke dalë nga rruga dhe përplasur me trafikndarësen.
Për pasojë kanë marrë dëmtime drejtuesi i mjetit shtetasi H. S, i cili ndodhet në spital, nën kujdesin e mjekëve dhe pasagjeri në mjet shtetasi S. S., rreth 80 vjeç, i cili si pasojë e plagëve të marra ka ndërruar jetë.
Vijon puna nga grupi hetimor për sqarimin e rrethanave të ngjarjes.