Sipas Dailymail, në një studim të kryer kohët e fundit, rezulton që konsumimi i një pije të gazuar në ditë, rrit rrezikun e sëmundjes nga kanceri në mënyrë të hatashme.
Ekspertët në Universitetin e Melburnit, studioi dhe analizoi tre mijë raste të 11 llojeve të ndryshme të kancerit në një hark kohor të dhjetë viteve.
Rastet e kancerit të gjirit, mëlçisë dhe prostatës të raportuara për vitet 1990-1994 dhe 2003-2007, zbuluan një lidhje të qenësishme të pijeve të gazuara me riskun e kancerit. Dhe të gjitha këto raste të shqyrtuara, ishin të pavaruara nga obeziteti apo faktorë të tjerë shëndetësorë.
“Pijet me sheqer, përfshirë ato joalkoolike, tashmë janë të njohura për dëmin që i shkaktojnë organizmit të njeriut, duke shkaktuar fillimisht obezitet çka rrit mundësinë e sëmundjes nga 13 lloje kanceri të ndryshme”, pohoi drejtuesi i këtij këshilli në universitetin e Melburnit, ndërsa shtoi se ka po kaq risk në rritjen e rrezikut për diabetin e tipit 2, sëmundjet e zemrës dhe prishjen e dhëmbëve.
Ndaj, njerëz mbajini sa më larg vetes pije të tilla, nëse shëndetin e keni primar në jetën tuaj!