Përdorimi i telefonit më shumë se 5 orë në ditë rrit me 43% rrezikun e obezitetit. Kështu thotë një studim i studentëve të prezantuar në konferencën e American College of Cardiology.
“Përdorimi i zgjatur i telefonit ndikon në jetën sedentare dhe redukton aktivitetin fizik, kushte të lidhura me rritjen e rrezikut të vdekjeve të parakohshme, diabetit, sëmundjeve kardiovaskulare, tumoreve dhe problemeve osteoartikolare”, thotë studimi.
Kjo është e lidhur edhe me sjelje të tjera që ndikojnë në shëndetin e njeriut, si për shembull kequshqyerja.
Në studim janë përfshirë 1060 studentë të moshave 19-20 vjeç ku u monitorua përdorimi i telefonit. Dhe ata që e përdornin 5 orë në ditë apo më shumë kishin tendencë 43% më të lartë për obezitetin, dhe kjo ështënjë ndikim dyfish krahasuar me pijet e gazuara, ushqyerja me fast food apo ëmbëlsira.