Mirupafshim autobusë të mbushur plot me udhëtarë që lëvizin orë e pa orë. Nga 4 maj e tutje, kjo rutinë do të ndryshojë në Itali. Distanca e sigurisë nuk do të tejkalohet, hyrja dhe dalja do të bëhen nga dyer të ndryshme, dhe madje do të ketë kontrollorë që numërojnë njerëzit në autobus. Ky është shembulli, që ofron Italia për lëvizjen e qytetarëve me autobus apo trena, pas datës 4 maj. Epidemia jo vetëm që ka ndryshuar zakonet e italianëve, por gjithashtu ka filluar të ndryshojë thellësisht lëvizjet në transportin publik.
“Ne nuk mund të imagjinojmë më se miliona njerëz do të lëvizin së bashku midis orës 7.30 dhe 9.30. Nuk mund ta lejojmë më këtë derisa të gjejmë vaksinën,” shpjegoi Ministri i Transportit Paola De Micheli.
“Tani e tutje të gjitha mjetet e transportit, maksimumi do të kenë vetëm 60% të hapësirës së tyre me pasagjerë. Pasi kushti i parë, është distancimi social. Ne po mendojmë gjithashtu për praninë e autoriteteve, të cilët do të vëzhgojnë kur është arritur numri maksimal i lejuar i pasagjerëve”, u shpreh ministri italian i transportit.