Kivi është një nga frutat që u jepet pa recetë pacientëve që vuajnë nga pagjumësia. Nëse ha kivi dy orë përpara gjumit, përmirëson ndjeshëm kohëzgjatjen dhe cilësinë e gjumit. Kivi ndihmon gjithashtu edhe në kapsllëk. Dy kivi në ditë, e përmirësojnë dukshëm funksionin e zorrëve. Madje, ai është një mundësi shumë herë më e mirë se ilaçi IBS, i cili u hoq nga tregu për shkak se po shkaktonte vdekjen e shumë personave.
Kivi gjithashtu duket se ndihmon funksionin imunitar. Fëmijët e moshës parashkollore që morën pjesë në një studim dhe hëngrën çdo ditë nga një kivi të verdhë, e përgjysmuan rrezikun e prekjes nga gripi dhe ftohja, ndryshe nga ata që në vend të kivit hëngrën banane. Një eksperiment i ngjashëm u bë edhe te personat e moshës së tretë, një tjetër grupmoshë e rrezikuar. Ata që ishin në grupin e kontrollit dhe hëngrën banane, patën infeksion të aparatit respirator për gati 5 ditë, si dhe skuqje apo dhimbje fyti, krahasuar me ata që hëngrën kivi, të cilët u ndienë më mirë pas vetëm 1 apo 2 ditësh. Megjithatë, 1 në 130 fëmijë mund të jetë alergjik ndaj kivit, duke e renditur atë si ushqimin e tretë që shkakton më shumë alergji (pas vezës dhe qumështit), kështu që kivi nuk është një frutë për të gjithë.