Pajton Pergjergji është dënuar me 14 muaj burg nga drejtësia britanike, pasi u kap duke u kujdesuar për bimët narkotike në një fermë të madhe kanabisi në qytetin Shipley.
Avokatja e 28-vjeçarit tha se i riu shqiptar ishte i detyruar të kryente një punë të tillë, pasi duhej të shlyente borxhin prej 20 mijë paund që kishte marrë për të mbërritur në Mbretërinë e Bashkuar.
“Personat që e sollën i thanë se duhej të punonte në fermën e kanabisit në mënyrë që t’iu jepte shumën e marrë hua.”
Babai i tij kishte ndërruar jetë këtë vit dhe 28- vjeçari shqiptar ishte bukëpjekës. Ai shpresonte të fitonte para për t’i dhënë familjes së tij një jetë më të mirë. Mediat britanike shkruajnë se i riu shqiptar nuk kishte më parë precedentë penale.